kali ini qt mo pake bahasa Manado.
bahasa kebanggaan masyarakat Sulawesi Utara.
qt lahir deng besar di Bitung,
Biar qt p mama deng papa org Jawa, mar sesungguhnya qt ini nintau bahasa sana kasiang.jadi qt lancar skali bahasa sini.
napa cuaca skrg so basomu-somu, depe arti itu so mo ujang. kalo hari minggu bgini jalanan di daerah sini nda talalu rame deng oto. biasa cm ja rame deng ojek (alat transportasi praktis for masyarakat di sini)
orang-orang dkt qt p kompleks biasa nda ja baku tau, soalnya samua cm ja bakulawang tutu rmh. bae le skrg di sei rumah pa qt so rame, lantaran qt p kluarga da bkng usaha warnet di seblah rumah. di warnet rame deng anak-anak ja main poker. hobi bakuku dorang kalo menang. apalagi kalo kalah, bukang cm ja bakuku le. tu kata-kata mutiara nda jelas so baku lawang kaluar samua itu. lengkali le qt p warnet so rupa kebun binatang. adoh adoh. mo larang salah-salah. itu trg p sumber doi. hahaha
skarang qt sementara libur semester genap. 3 bulan nda ada rencana liburan kamana mana. paling cuma mo makang tidor di rumah. ni cuaca lengkali nda ja bagus. pagi terang dpe siang so glap. itu yg beking qt malas kluar. ini smua kwa dampak dari pemanasan global. tu suhu bumi so nda teratur. torang yang rasa sandiri toh???!
libur ini dy cm mo bkng gode pa qt. malas olahraga mar banyak makan.
tidor tenga malam bangun tenga hari.
lengkali qt ja malo deng matahari.oiyo, awal liburan tu hari qt deng tamang2 IBA da pi berlibur di Bunaken. seru skali torang pe perjalanan.
mulai dari foto-foto,
ba lincah-lincah di atas kapal pasiar,
ba tobo lia karang di tenga laut sampe ta luka2 kena tu barang,
makang ikang bakar yang dpe ukuran super pai,
ba panas2 ria di tenga hari tua sampe kwa qt pe kuli takupas-kupas deng ba belang-belang.
ba lincah-lincah di atas kapal pasiar,
ba tobo lia karang di tenga laut sampe ta luka2 kena tu barang,
makang ikang bakar yang dpe ukuran super pai,
ba panas2 ria di tenga hari tua sampe kwa qt pe kuli takupas-kupas deng ba belang-belang.
perjalanan deng dorang qt rasa berkesan skali, karna baru itu le pertama kali qt pi Bunaken. kasiang katu kita kang? :D
hmm, napa so ujang krass.
manganto sklianan komang. mar qt sungguh mati so ketagihan skali mo ba post2 di blog ini.
depe inti kwa:
qt cinta MANADO
qt cinta dpe makanan
qt cinta dpe lingkungan
deng qt cinta dpe orang2
qt cinta dpe makanan
qt cinta dpe lingkungan
deng qt cinta dpe orang2
manjo torang sama2 beking ni MANADO jadi lebe bae deng lebe baguss
TORANG SAMUA BASUDARA
0 komentar:
Post a Comment